جيب التاجر مع طبخ لسعة

[b]السلام عليكم ورحمة الله وبركاته

هلا ببناتنا السنعات الظفرات اللي مدري ايش<<

شخباركن شلونكن شعلومكن ؟

عاد انا ميحه في الطبخ يعني عادي راعوني شوي
طبعا راح أواصل معكم إن شاء الله في الطبخ الى ان ان اصير سنعه

اليوم طبختنا هي

جيب التاجر

الطريقة:

طبعا ماخذتها من منتدى اسمه عالم حواء الظاهر
< الناس تعرفه وانتي ماتعرفينه

وهذي المقادير والطريقة:

تضعين بالخلاط:
- بيضتين
- بصلة متوسطة الحجم او بصلتين (اذا كانت الوحده بحجم البيضة)
- 4/3 كوب حليب (اما بودرة وتضيفين عليه ماء او حليب المراعي او اي شركة ثانية)
- م.ص. خميرة فورية
- م.ص. بيكنج بودر
- ملعقة طعام ممسوحة كركم مطحون
- م. ملح

وبعد ماتنخلط تحطينها بزبديه وتضيفين على الخلطة (كوبين طحين بر) وتعجنينها بيدك الى ان تتكون عجينة وتتماسك وتتركينها ساعة لتتخمر (ممكن تزيدين كمية الطحين حتى تتماسك العجينة)
بعد كذا افرديها وقطعيها دوائر (انا استخدمت كوب فتحته كبيره)
اذا قطعتي العجينه دوائر اقليها بالزيت وضروررررري يكون الزيت "حار حار جدا" عشان تنتفخ<<< ركزي على هالنقطه
وتراها ماتشرب زيت ابد لانها تنتفخ مره ومايبقى عليها زيت وقلبيها بسرعة عشان تتحمر من كل الجهات مع ملاحظة انه اذا بغيتي العجينة تنتفخ بالزيت صبي بالملعقة عليها زيت باستمرار وانت تقلينها ماادري فهمتوني والا لا
وبعد كذا خذي كل قطعه واقطعيها بالنصف
واحشيها الحشوه هذي:
- امسحي جهات الخبزه من الداخل بجبن سائل او مايونيز للي يحبونه
- حشوة دجاج عاديه مثل حشوة الفطائر
- بطاطس مقلي مقطع اصابع صغيرة
- مخلل خيار مقطع اصابع صغيرة <<<انا استغنيت عنه
- فلفل اخضر مقطع شرائح
- خس شرائح صغيرة
- جبن شرائح اقطعيها بالنصف<<<وهذي بعد استغنيت عنها واكتفيت بالجبن السائل

(واذا بغيتي اي حشوه تحبينها بس السر بطعم الخبز الي سويتيه بصراحه يجنننن) مع ملاحظه انه اذا بقى من العجينة عادي حطيها بالثلاجة وسويها باليوم الثاني ماراح تخرب..
الي تبي تستغني عن الدقيق البر بالابيض ممكن لكن انا ماجربت الا البر والكل عجبته حتى الصغار انهبلوا عليها مع انهم مايحبوا دقيق البر..